СДСМ смета дека владата на ВМРО-ДПМНЕ изминатите години ги блокирала евроатлантските процеси и тврди дека новата Влада веќе започнала да работи на нивна деблокада.
- Европските перспективи за Македонија и нејзините граѓани ги отвора новата реформска Влада предводена од СДСМ и премиерот Зоран Заев којашто посветено и напорно започна да работи на деблокада на евро-аталнтските интеграции кои беа закочени од неразумните политики на поранешната режимска власт на Никола Груевски.
Отвореноста и транспарентноста на институцијата Влада, којашто им припаѓа на граѓаните се меѓу првите демократски придобивки коишто граѓаните веќе ги чувствуваат, се вели во соопштението од СДСМ.
Оттаму посочуваат дека ВМРО-ДПМНЕ нејзиниот лидер Никола Груевски им должат објаснување на граѓаните на Република Македонија за која цел и за чии интереси 11 години ја уназадувале земјата во евро-аталнтските интеграциски процеси и со тоа ја оддалечувале од цивилизираниот демократски свет.
Затоа, велат од СДСМ, чесните членови, активисти и политичари во ВМРО-ДПМНЕ треба да се оградат од штетните политики на Никола Груевски кои ја уназадиле Македонија, ги заробиле институциите и ги осиромашиле граѓаните.
Неопдходно е, се додава во соопштението од СДСМ, ВМРО ДПМНЕ да работи како конструктивна опозиција водена од демократски принципи и активно да ги поддржи демократските реформски процеси за доброто и иднината на граѓаните и државата.