Скопје, 12 јуни 2017 (МИА) - СДСМ во пишано соопштение наведува дека лидерот на ВМРО-ДПМНЕ и пранешен премиер Никола Груевски „наместо да бега од обвинителите, да собере храброст и да се соочи со правосудните органи“.
- Никој, па ниту Никола Груевски не може да избегне соочување со правдата и правната држава. Секој граѓанин на Република Македонија, вклучително и Груевски, треба да одговара за своите постапки пред независен, професионален и непристрасен судски систем. Никој не смее да се става над законите и владеењето на правото, се вели во соопштението од СДСМ.
Се нагласува дека Македонија мора да биде и оти ќе биде правна држава во која законите ќе важат за сите подеднакво без разлика на нивната етничка, верска, политичка или каква било припадност.