Скопје, 18 јули 2017 (МИА) - СДСМ во соопштение денеска наведува дека Владата предводена од СДСМ преку домаќинско и одговорно работење за неполни два месеца за околу 55 милиони евра го намали долгот што ВМРО-ДПМНЕ го остави на граѓаните.
Новата Влада предводена од СДСМ работи во интерес на граѓаните, а предвидените средства од задолжувањата на домашниот пазар се со цел да се обезбеди навремена и целосна реализација на Буџетот по најповолни услови.
- ВМРО-ДПМНЕ 11 години тајно и нетранспарентно ги задолжуваше граѓаните, а парите од скапите задолжувања ги трошеше за лускузирање и криминално богатење на поединци, стои во соопштението.
Во него се додава дека новата Влада предводена од СДСМ преку ребалансот ги крати непродуктивните трошења и парите ги враќа назад кај граѓаните.