Обвинетиот Панче Ангелов за нападот на Радмила Шекеринска што се случи на 27 април минатата година во Собранието, денеска се пожали на висината на казната. Според него, наместо четиригодишна казна затвор за кривичното дело насилство треба да му биде изречена условна казна.
Пред Апелацискиот суд Скопје, каде денеска се одржа јавна седница, Ангелов рече дека Судот неправедно го осудил на голема казна.
На јавната седница обвинителот од Вишото јавно обвинителство Јован Цветановски побара да се одбие предлогот на обвинетиот.
Ангелов, кој во македонскиот Парламент ја влечеше за коса тогашната пратеничката, а сега министерка за одбрана Радмила Шекеринска, во во октомври минатата година во Кривичниот суд призна вина.