Дорис Пак, претседател на асоцијацијата на жени во Европската народна партија (ЕПП), на својот Твитер профил синоќа Твитна дека ЕПП не смее да го толерира однесувањето на раководството на ВМРО-ДПМНЕ кон осумте пратеници кои гласаа за уставните измени, спротивно на ставот на партијата.
„Неприфатливо е осумте пратеници од ВМРО кои гласаа за договорот со Грција и за европска иднина на земјата сега да примаат закани и да се третираат како криминалци. ЕПП тоа не смее да го толерира”, напиша на Пак, по средбата со претседателот на ВМРО-ДПМНЕ Христијан Мицкоски во Хелсински, каде се одржува Конгресот на ЕПП.
Синоќа во Вевчани се одржа протест пред домот на пратеникот Крсто Мукоски, еден од осуммтемната пратеници кои гласаа за уставните измени. За следните денови најавени се протести и пред домовите на другите двајца пратеници од овој регион, охриѓаните Сашо Василевски и Љубен Арнаудов.