Одбележани 65 години од смртта на Магдалена Антова, првата жртва во НОВ во Македонија

Куманово, 13 октомври (МИА) - "Магдалена започна, ние продолжуваме" е мотото со кое Основното училиште "Магдалена Антова" од Куманово денеска го одбележува патрониот празник.

Манифестацијата ја посети и внуката на првата жртва во антифашистичкото востание во Македонија, која го носи нејзиното име, Магдалена Антова Велевска, очен лекар и универзитетски професорот.

- Мојата баба и мајка на Магдалена, Евица, ми остави фотографии од раното детство па се до смртта на тетка ми. Одлучив дека овие спомени не ми припаѓаат само мене и на моето семејство, туку на сите кои го почитуваат делото и ликот на Магдалена Антова. Затоа ги подарив фотографиите, рачната изработка на Магдалена Антова на училиштето кое го носи нејзиното име. Тетка ми, борецот од антифашистичкото востание е првата жртва која утре навршува 65 години од нејзината прерана смрт, изјави Антова Велевска.

Директорката на училиштето Елизабета Ковачевска потсетува дека вработените и децата од училиштето ќе се трудат да го продолжат делото на Магдалена Антова.