Во Тетово одбележана четиригодишнината од убиството на Ванчо Јосифовски

Тетово, 19 октомври (МИА) - Во Тетово на местото каде беше убиен матурантот Ванчо Јосифовски денеска беше одржана панихида во негова чест.

На четиригодишнината од убиството на Јосифовски неговото семејство покрена иницијатива спортската сала во Тетово да го носи неговото име, а покрај ова да се организира меѓународен турнир во улична кошарка, снимање на документарен филм и одржување хуманитарни концерти. Тие се надеваат дека нивната иницијатива ќе наиде на разбирање и дека ќе биде поддржана од ЕУ, Владата и невладините организации.

Ванчо Јосифовски беше убиен на 19 октомври 2002 година од автомобил во движење додека играше кошарка пред неговата куќа. Во тек е судски процес против Бурхамедин Нухиу, кој е осомничен дека го сторил делото.