|
|
|
Претседателот Црвенковски во официјална посета на СловачкаСкопје, 11 март (МИА) - Претседателот на Република Македонија Бранко Црвенковски денеска и утре ќе престојува во официјална посета на Словачка.
Шефот на македонската држава во Претседателската палата во Братислава, ќе има тет-а-тет средба со претседателот на Словачка Иван Гашпарович. Двајцата претседатели ќе разговараат за односите меѓу двете земји и за натамошно проширување и продлабочување на политичката и економската соработка, како и за процесот и поддршката на евро и евро-атлантската интеграција на Република Македонија. На средбата ќе бидат разменети мислења и за повеќе актуелни меѓународни прашања.
Во присуство на Црвенковски и Гашпарович ќе биде потпишан договор меѓу владите на Република Македонија и на Република Словачка за меѓународен транспорт на лица и стоки. Договорот ќе го потпишат заменик-министерот за надворешни работи на Македонија Зоран Петров и државниот секретар во словачкото Министерството за надворешни работи Милан Мојс.
Претседателот Црвенковски ќе има работен ручек со словачкиот премиер Роберт Фицо, а ќе се сретне и со заменик претседателот на Националниот совет на Словачка Ана Белусовова.
Покрај Братислава, претседателот Црвенковски ќе ги посети и градовите Нитра и Трнава, каде што ќе се сретне со градоначалниците Јозеф Двонч и Штефан Бошнак.
Република Македонија и Република Словачка воспоставија дипломатски односи на 4 март 1994 година. Словачка е членка на НАТО и на Европската унија.
|
|
|
|
|
|
|
|
IDIVIDI Речник
|
|
|
|
Powered by MagnumPRO |
|
|
Виц на денот |
|
Наставникот по географија го завртел глобусот и го прашува ученикот кој треба да одговори: - Што е ова? - Почнуваат вести - одговорил ученикот. |
|
|
|
Состојба на патиштата |
|
|
|
|
Верски календар |
|
|
|
|
На денешен ден |
|
1191.- Почна зографирањето на црквата "Свети...
1284.- Роден е англискиот крал Едвард II....
1595.- Во Рим умре Торквато Тасо, италијански...
1599.- Роден е водачот на Англиската револуција...
|
|
|
|