Се распаѓа црквата „Свети Ѓорѓи“ во велешкото село ЦрквиноВелес, 22 јануари (МИА) - Црквата „Свети Ѓорѓи“ во велешкото село Црквино изградена во 1819 година е руинирана, а ако наскоро итно не се рекоконструира може и целосно да се урне.
При денешната посета на училиштето во село Црквино, на покана на месните жители, црквата ја посетија претставници на општина Велес.
Градоначалникот Аце Коцевски најави дека ќе разговара со митрополитот Повардарски Агатангел во чија надлежност е и оваа црква и ќе бара нејзина итна заштита. Селото Црквино е сместено на југ на девет километри од Велес на десната страна од автопатот Велес-Гевгелија.
Во селото моментално има околу 500 жители главно доселеници од Босна. Староседелците Македонци пред триесетина години го напуштија Црквино и се населија во Велес и други градови. Во непосредна близина на селото Црквино се наоѓаат археолошките локалитети од римско време Белушка, Венуле, Габер и Селска Црква, како и некропола од доцноантичко време.
|