Загреб, 9 октомври (МИА) - Делегација на македонското Собрание предводена од претседателот Трајко Вељаноски од вчера престојува во дводневна официјална посета на Република Хрватска.
За време на посетата, Вељаноски ќе се сретне со неговиот хрватски колега Лука Бебиќ, со премиерката Јадранка Косор и со претседателот на Хрватска, Стипе Месиќ.
Синоќа Вељаноски имаше средба со претставници на македонската заедница во Република Хрватска.
Во составот на македонската делегација се и Благородна Дулиќ, претседателка на пратеничката група на македонското Собрание за соработка со Хрватскиот сабор, и пратениците Томе Чинговски и Вулнет Арнети, членови на комисијата.