Скопје, 10 октомври (МИА) - Апаратите на Сеизмолошката опсерваторија при Природно- математичкиот факултет во Скопје, утрово во 02 часот и 28 минути, регистрираа земјотрес чиј епицентар се наоѓа на околу 145 километри југозападно од Скопје, во соседна Албанија, а потекнува од епицентрално подрачје Поградец.
Според досегашните податоци, земјотресот е почувствуван во подрачјата на Охрид, Струга и Битола со интензитет од 4 степени, а во подрачјето на Прилеп со интензитет од 3 степени според Европската макросеизмичка скала