Скопје, 10 ноември (МИА) - Висока делегација на Владата на Република Хрватска предводена од премиерот Јадранка Косор денеска ќе престојува во еднодневна официјална посета на Република Македонија.
Хрватскиот премиер на аеродромот „Александар Велики“ - Скопје ќе биде пречекан со највисоки државни и воени почести.
Косор ќе биде примена од претседателот на Република Македонија Ѓорге Иванов, а ќе се сретне и со претседателот на Собранието Трајко Вељаноски. Ќе се одржи и тет-а-тет средба на премиерот Никола Груевски со претседателот на хрватската Влада Косор. Најавени се и официјални разговори на двете делегации.
Премиерите на Македонија и на Хрватска, Груевски и Косор денеска ќе имаат обраќање на состанокот на Македонско - хрватскиот деловен клуб.