Хелсинки, 4 декември (МИА) - Еврокомесарот за проширување Оли Рен изрази денеска сомневање во можноста в понеделник европските министри на состанокот да постигнат согласност за почетокот на преговорите за влез на Македонија во Европската унија.
- Почнувањето преговори за членство бара препорака од Европската комисија, а исто така и согласност од сите земји-членки, а во моментов тие предуслови не се исполнети, изјави Рен пред новинарите во Хелсинки.
Тој додаде дека се надева дека сепак Европскиот совет ќе го прифати предлогот на ЕК за почнување преговори за членство во Македонија, доколку в понеделник дискутира за тоа прашање, за што според Рен, постои голема веројатност.
Според Рен преговорите за членство би можеле да почнат кон средината на следната година.
Македонија е кандидат за членство од декември 2005 година, а ЕК почнувањето преговори го препорача во октомври, но тоа се уште не е одобрено од земјите-членки на Унијата.