Дебар, 15 февруари (МИА) - На патниот правец Маврово - Дебар сеуште се работи на расчистување на одронот кој во голема количина го има на патот. Се пуштаат возила од двете страни преку адаптирана лента, потврди раководителот на дебарската секција на Македонија пат, Фатмир Имероски.
Според него, на секои дваесеттина минути се пропуштаат лесни моторни возила кои чекаат за пат кон Скопје и за Ростуше и Дебар.
- Бидејќи ќе се работи без прекин во расчистувањето, за утре планираме да ги пропуштиме шлеперите на „Кнауф Радика“ кои неколку дена се заглавени, и тоа во периодот од 8 до 10 часот кон Дебар и попладнето од 18 до 20 часот кон Маврово, информира Имероски.
За целосно оспособување за сообраќајот на овој патен правец, како што нагласи тој, треба да се почека уште неколку дена.