Вашингтон, 24 февруари (МИА) - Поканата за Македонија за членство во НАТО е отворена и штом се реши името таа ќе стане дел од Алијансата, изјави претседавачот со воениот комитет на НАТО адмирал Џиампаоло ди Паола во обраќањето пред Фондацијата Херитиџ во Вашингтон.
- Се уште е на маса поканата за членство во НАТО и штом ќе се реши спорот со името, Скопје ќе стане член на НАТО. Тоа е силен политички сигнал што го повторивме. Ние го сметаме Скопје не само како силен партнер, туку и повеќе од тоа, речиси во Алијансата, бидејќи единствено нешто што го одложува членството во основа е името, одговори Ди Паоло на прашање на Гласот на Америка - како НАТО планира да ја реши ситуацијата во која Македонија според бројноста на армија е четврти придонесувач во мисијата ИСАФ во Авганистан, а сепак се уште е пред вратите на Алијансата.