Скопје, 27 февруари (МИА) - Месечната закупнина за користење непрофитни станови за лица со социјален ризик што ги гради државата ќе изнесува најмногу 15 денари по метар квадратен, соопшти денеска Министерството за транспорт.
Износот на закупнината е утврден со одлука на Владата, при чие носење се земени предвид социјалните услови и карактеристиките на групите граѓани за кои се наменети и доделени непрофитните станови.
Одлуката се однесува на неодамна доделените 102 социјални станови во населбата Јурија во скопската општина Ѓорче Петров, кои се со површина од 35 до 45 метри квадратни. Во изградбата на становите Владата вложи 158 милиони денари, а беа комплетно опремени со пари собрани од хуманитарниот концерт „Помогни и ти“ и од донации од бизнис-секторот.