Гостивар, 18 март (МИА) - Железничкиот сообраќај на пругата од Гостивар кон Кичево по тридневниот прекин, повторно е отворен и возовите се обраќаат по редовниот возен ред. Специјализирани екипи на Македонски железници ги завршија работите на извлекување на локомотивата која во понеделникот навечер излета од шините.
Од железничката станица Гостивар информираа дека синоќа пред полноќ, оштетената локомотива е донесена на пероните во Гостивар со специјално возило.
Поради излетувањето на локомотива на патнички воз, во близина на селото Лакавица, железничкиот сообраќај од Гостивар до Кичево беше во прекин од понеделникот навечер.
Патничкиот воз 6904 удри во одрон од земја и камења. Од силината на ударот, локомотивата излегла од шините, а имаше и осуммина патници поминаа со полесни повреди.