Скопје, 20 април 2010 (МИА) - Министерот за надворешни работи и соработка на Шпанија Мигел Анхел Моратинос денеска ќе престојува во официјална посета на Македонија.
Шефот на дипломатијата на Шпанија - актуелниот претседавач со ЕУ, покрај со својот домаќин министерот за надворешни работи Антонио Милошоски, ќе се сретне и со претседателот Ѓорге Иванов, премиерот Никола Груевски, вицепремиерот за европски прашања Васко Наумовски, како и со пратеници во Собранието.
На средбите, како што најави Министерството за надворешни работи, ќе се разговара за напредокот на Македонија во евроинтегративниот процес, како и за можностите за почнување на пристапните преговори со ЕУ.