Скопје, 5 мај 2010 (МИА) - Подобрена е здравствената состојба на Димо Пигуловиќ, работникот кој беше тешко повреден во вчерашната експлозија во скопски „Макстил“. Клинички е стабилизиран, а виталните параметри му се уредни.
- Сега се обидуваме да ги намалиме течностите, но не можеме да кажеме какви компликации може да настанат. Пациентот е стабилен, свесен е и комуницира, но ќе остане во Градската болница уште најмалку три недели, изјави денеска директорот на Градска болница, Виктор Камиловски.
Според првичните информации од МВР, информира денеска министерката за внатрешни работи Гордана Јанкулоска, во кругот на „Макстил“ вчера се случила експлозија на дел од граната од руско производство.