Тркалезна маса за процесот на реформи на Советот на Европа

Скопје, 20 мај 2010 (МИА) - Во организација на Институтот за општествени и хуманистички истражувања „Евро-Балкан“ денеска ќе се одржи тркалезна маса на тема „Процесот на реформи на Советот на Европа“.

На форумот ќе учествуваат домашни експерти од областите што ги опфаќаат надлежностите на Советот на Европа. Воведни излагања се очекува да имаат министерот за надворешни работи Антонио Милошоски и претставникот на претседателот на Парламентарното собрание на Советот на Европа Мевлут Чавушоглу.

Тркалезната маса е една од низата настани кои Институтот „Евро-Балкан“ ги организира како придонес во експертската дебата која постои и на регионална ниво за процесот на реформи на Советот на Европа, но и соодветна промоција, поддршка и одбележување на Македонското претседателство со Советот на Европа.