Од денеска до вторник се забранува одвивањето на сообраќајот на дел од булеварите Илинден и 8 Септември, заради изведување градежни работи, инфомираат од Град Скопје.
“Забраната за одвивање сообраќај на дел од булеварот Илинден се однесува на раскрсницата со улицата Бледски договор и пристапната улица којашто води кон спортската сала “Борис Трајковски“ до раскрсницата со улицата Франклин Рузвелт. За булеварот 8 Септември забраната за одвивање сообраќај се однесува на делот од булеварот Партизански одреди до пристапниот пат којшто води кон хотелот “Александар Палас“, велат од Град Скопје.
Градежните работи на терен ќе ги изведува градежната компанија "Гранит“ АД од Скопје во наведениот период од четири дена, што ќе зависи од временските услови.
Градот Скопје апелира до сите учесници во сообраќајот да ги почитуваат поставените сообраќајни знаци и опрема за да се овозможи безбедност и проточност на сообраќајот.