Велес, 7 ноември 2010 (МИА) - Две лица загинаа, а едно е повредено откако вчера попладне во 18 часот 35 минути на локалниот пат Велес - Башино Село, пред мостот на река Вардар, патнички автомобил „Киа соул“ со скопски регистарски таблички излетал од коловозот, се превртел неколку пати и удрил во бетонски столб.
Возачот на автомобилот Ване Л. (22) од Скопје и сопатникот Русе С. (29) од Велес здобиле тешки телесни повреди од кои почнале на пат кон Медицинскиот центар Велес, а В.Н. (17) од Велес која седела на совозачкото место, по укажување на лекарска помош е пуштена на домашно лекување.
Сообраќајката се случила откако возачот на автомобилот пред кривината на патот, од десната преминал на левата коловозна лента, продолжил да се движи по земјената тревна површина удирајќи во две дрва, по што се превртел и удрил во бетонски столб.
Увид на лице место извршија Јавен обвинител од Основно јавно обвинителство, истражен судија од Основен суд Велес и увидна екипа од Секторот за внатрешни работи Велес.