Скојпе, 8 октомври 2010 (МИА) - Попладнево ненадејно почина Љупчо Јордановски, поранешен претседател на Собранието на Република Македонија.
По повод смртта на Јордановски, претседателот на Собранието на Република Македонија, Трајко Вељаноски од името на пратениците и од свое лично име упати изрази на длабоко сочувство до членовите на неговото семејство. Собранието утре ќе одржи комеморативна седница.
Јордановски, покрај професорската кариера, беше и пратеник и амбасадор во САД на Република Македонија. Од 2007 година е на чело на Партијата на слободни демократи. Оженет е и татко на три деца.
Роден е на 13 февруари 1953 година во Штип. Електротехнички и математички факултет завршил на Загрепски универзитет, дипломиран електротехнички инженер, а докторската дисертација на Катедрата за градежништво на Универзитетот Јужна Калифорнија, Лос Анџелес, Калифорнија, САД.