Неделава на 16-ти октомври се навршуваат три години од сообраќајната несреќа во која животот го загуби македонската ѕвезда Тоше Проески, поради што меѓународниот фан клуб организира бројни акции, а една од нив е засадување јавор со името на пејачот на белградскиот булевар крал Александар.
- Знаејќи колку Тоше ја сакаше природата и колку беше свесен дека таа треба да се зачува, одлучивме во неговото име да бидеме еден од донаторите на акцијата „Дар за Булеварот – Знак дека го сакаме Белград“ при која ќе се засадат 483 јавори на булеварот Александар. Секое стебло ќе биде обележано со плоча со име на донаторот. Јаворот е стогодишно дрво и тоа наместо нас, после многу години ќе биде чувар на спомените за Тоше Проески, се вели во соопштението на клубот.
Фан клубот веќе трета година во сите поранешни држави на Југославија и во Бугарија организира хуманитарни акции под називот „Мостот на љубовна на Тоше“, а на 16-ти октомври во сите градови ширум Европа, кaде што има членови на меѓународниот фан клуб се организира служење литургија/миса под називот „Милион срца, една Молитва“.