Скопје, 22 октомври 2010 (МИА) - Претседателот Ѓорге Иванов денеска посмртно ќе го одликува Методија Андонов-Ченто со „Орден на Република Македонија“.
Орденот се доделува за исклучителен придонес во остварувањето на вековниот стремеж на македонскиот народ за слобода и зачувување на својот идентитет и создавање на сопствена, самостојна, суверена и демократска држава, како македонски деец, борец, државник. Методија Андонов- Ченто беше прв претседател на Президиумот на АСНОМ.
„Орден на Република Македонија“ досега им е доделен на поранешните претседатели Киро Глигоров и Борис Трајковски, како и на три институции - Македонската православна црква, Македонската академија на науките и уметностите (МАНУ) и на Универзитетот „Свети Кирил и Методиј“