Скопје, 22 ноември 2010 (МИА) - Премиерот Никола Груевски денеска ќе престојува во посета на Велика Британија. Покрај со својот домаќин, британскиот премиер Дејвид Камерон, Груевски во Лондон ќе се сретне и со дел од министрите во Владата на Велика Британија, со претседателот на Парламентот и со група парламентарци.
Македонскиот премиер ќе се обрати и на бизнис форум на кој пред претседатели на управни одбори на големи англиски и други меѓународни компании ќе ја презентира Република Македонија и можностите за инвестирање во неа.
Посетата на Велика Британија, како што изјави вчера Груевски, има економска и политичка димензија.