Скопје, 24 ноември 2010 (МИА) - Осумдневен притвор доби Хисен Муслиу, поранешен вработен во Управата за безбедност и контраразузнавање, осомничен за фалсификување досиеја на соработници на тајните служби, откако синоќа беше изведен пред истражен судија.
Полицијата во рамки на акцијата „Фалсификатор“ го приведе Муслиу завчера вечер во Тетово. Во компјутерот на Муслиу, соопшти вчера МВР, биле пронајдени документи од четирите досиеја што излегоа во јавноста.