Тетово, 7 декември 2010 (МИА) - Едно лице загина во сообраќајна несреќа што вчера доцна попладне се случи на стариот пат Тетово-Скопје, информира Секторот за внатрешни работи во Тетово.
Полицијата соопшти дека околу 17 часот и 35 минути Николче Д.(45) од Штип бил удрен од автомобил „Пежо“ управувано од М.К.(56) од Тетово додека пешки го минувал патот во обид да стигне до автопатот каде се наоѓало паркирано неговото комби возило.
Со тешки повреди тој бил префрлен во тетовската клиничка болница, но таму лекарите само ја констатирале неговата смрт.
Во сообраќајката причинета е и материјална штета од околу 40 илјади денари.