Скопје, 10 јануари 2010 (МИА) - Скопскиот аеродром „Александар Велики“ и понатаму останува затворен за слетувања, иако очекувањата беа дека попладне сообраќајот ќе се нормализира во двете насоки.
Од аеродромот информираат дека повеќето летови се пренасочуваат кон охридскиот аеродром каде условите за работа се нормални. Досега, кон Охрид се пренасочени летовите на
Austiran Airlines, Czech Airlines, Adria Airlines, Croatia Airlines и Turkish Airlines.
Според временската прогноза, повлекување на маглата поради која беше затворен скопскиот аеродром се очекува утре попладне.
Охридскиот аеродром, пак, функционира непречено со околу 15 операции дневно. Во текот на вчерашниот ден на овој аеродром се реализирани 13 слетувања и полетувања, што е далеку над бројот летови што се реализираат на аеродромот во овој период од годината.