Скопје, 16 февруари 2011 (МИА) - Под влијание на серија влажни бранови од Медитеранот во наредните денови ќе преовладува облачно време со повремени врнежи од дожд, на планините од снег.
Во петок кон крајот на денот и во сабота од север ќе се спушта постуден воздух кој ќе донесе заладување и на некои пониски места врнежите ќе поминат во снег.
На места врнежите ќе бидат пообилни и ќе имаат пороен карактер, особено во западните и јужните делови каде локално ќе наврнат повеќе од 20 литри на метар квадратен. Повремено ќе дува засилен ветер од јужен правец, а во сабота од северен.