Вашингтон, 23 февруари 2011 (MИA) - Во земјотресот во Нов Зеланд нема загинати Македонци, изјави македонскиот амбасадор во Австралија и Нов Зеланд.
- Нема настрадани македонски државјани. Во моментов има загинато 75 лица, а по повеќе од 300 лица се трага и се уште се водат како исчезнати, изјави Стојановски во изјавата за Гласот на Америка на македонски.
Според него, амбасадата во Канбера ги користи сите ресурси и е во постојана комуникација со претставниците на Високиот комесаријат за бегалци на Нов Зеланд, но и со Министерството за надворешни работи на Нов Зеланд.
Стојановски наведува дека во Австралија се отворени посебни телефони за добивање на информации за преживеани и за пријавување на исчезнати.
Најголемата македонска популација во Нов Зеланд е концентрирана во градот Оукланд, подалеку од епицентарот на земјотресот.
- Во Крајсчрч има само неколку семејства. Засега, информациите што ги имаме ни кажуваат дека се живи и здрави и дека нема никакви проблеми, вели амбасадорот Стојановски.