Битола, 5 март 2011 (МИА) - Под мотото „Вистината секогаш победува“ ВМРО-ДПМНЕ денеска и утре во Битола ќе го одржи 14. Kонгрес.
Се очекува околу 600 делегати да го реизберат премиерот и лидер на партијата Никола Груевски на функцијата со што ќе го почне третиот четиригодишен мандат.
Конгресот ќе почне со свечено отворање и говор на лидерот на партијата, a следниот ден напладне ќе се изврши изборот на претседател на партијата, по што ќе следи негово обраќање.
Претходниот конгрес ВМРО-ДПМНЕ го одржа во Штип во 2007 година под мотото „Обединети кон целта“.
Груевски за лидер беше избран на Kонгресот во Охрид во 2003 година, а противкандидат му беше Марјан Ѓорчев. На тој конгрес по 13 години од лидерската позиција на партијата се повлече Љубчо Георгиевски поради загубените избори.