Актерот Петар Мирчевски награден на театарски фестивал во СрбијаБитола, 14 април 2011 (МИА) - Актерот на Битолскиот театар Петар Мирчевски е награден на театарскиот фестивал „Денови на Нушиќ“ што се одржа во Смедерево, Србија.
НУ Народен театар-Битола пред два дена настапи со претставата „Покојник“ од Нушиќ во режија на Љупчо Георгиевски, а по изведбата, организаторот на Петар Мирчевски му додели посебно признание, потврди уметничкиот директор на оваа национална установа Благој Мицевски.
На денешната средба со новинарите беше најавено дека НУ Народен театар-Битола ќе ја промовира новата техничка опрема со која во иднина ќе биде емитуван поквалитетен звук за што на 19 април ќе се одржи мјузикл „Музиката и ние“ со Зоран Маџиров, Калиопи и групата „Боеми“.
|