Скопје, 6 мај 2011 (МИА) - ВМРО - ДПМНЕ доцна синоќа ја поднесе до Државната изборна комисија кандидатската листа за пратеници за претстојните парламентарни избори.
Премиерот и лидер на ВМРО-ДПМНЕ Никола Груевски е носител на листата во првата изборна единица, каде за директен противник во борбата за премиерската фотелја ќе ја има Радмила Шеќеринска.
Во втората изборна единица ќе биде министерката за внатрешни работи Гордана Јанкуловска. Носител на листа во третата изборна единица, како и на минатите парламентарни избори, е Влатко Ѓорчев, а во четвртата изборна единица, кандидатската листа на ВМРО-ДПМНЕ ќе ја предводи вицепремиерот Зоран Ставревски.
Во петтата изборна единица носител на листата е министерот за надворешни работи Антонио Милошоски, а министерот за образование Никола Тодоров ќе ја предводи листата на владејачката партија во шестата изборна единица.