Скопје, 12 мај 2011 (МИА) - Претседателот на Владата на Република Унгарија Виктор Орбан денеска е во официјална посета на Република Македонија.
Според агендата, Орбан ќе биде примен од претседателот на Република Македонија Ѓорге Иванов, а ќе острави тет-а-тет средба со својот домаќин-македонскиот премиер Никола Груевски.
Предвидени се билатерални средби меѓу делегациите на двете влади, како и потпишување Спогодба за економска соработка помеѓу владите на Република Македонија и на Република Унгарија. Од македонска страна Спогодбата ќе биде потпишана од министерот за економија Фатмир Бесими, а од унгарска страна од министерот за национален развој Томас Фелеги.
Груевски и Орбан ќе се обратат и пред учесниците на Бизнис форумот, што ќе се одржи во Стопанската комора на Македонија, кој претставува можност за продлабочување на економската соработка меѓу двете земји.