Скопје, 6 јуни 2011 (МИА) - Во телефонски разговор грчкиот премиер Јоргос Папандреу му ја честиташе победата на парламентарните избори на својот македонски колега Никола Груевски и му посака успешна работа, соопшти прес-службата на Владата на Република Македонија.
Честитки за победата премиерот Груевски вчера доби и од претседателот на Владата на Унгарија, која е земја актуелен претседавач со ЕУ, Виктор Орбан. Македонскиот премиер оствари телефонски разговор и со словенечкиот премиер Борут Пахор, кој му упати честитки за изборната победа.
Честитки пристигнале и од премиери и државници од целиот регион, од ИДУ - светската организација на демократски партии, од Европската народна партија, од германската ЦДУ, од шведските Модерати, Форца Италија, Козервативната партија од Британија, од Фондацијата „Конрад Аденауер“, како и од дипломатски претставници во земјава.