Скопје, 7 јуни 2011 (МИА) - Во Ургентниот центар во Скопје денеска почина затвореникот Али Ахмет.
- Осуденото лице Али Ахмет (1982 година), осуден со 30 пресуди на Основниот суд Скопје 1 – Скопје за кривични дела „тешка кражба“, 20 пресуди за кривични дела „кражба“ и една пресуда за кривично дело „разбојничка кражба“, на единствена казна затвор во траење од 15 години, денеска почина во Ургентниот центар во Скопје, соопшти Управата за извршување на санкциите при Министерството за правда.
Казната затвор Ахмет почнал да ја издржува во 2002 година, а требало да му заврши на 05.05.2017 година. Ахмет бил зависник од опојни дроги и бил на метадонска терапија.
Во соопштението од Управата за извршување на санкциите се наведува дека службените лица околу 11:15 часот забележале влошување на здравствената состојба на осуденото лице поради што веднаш бил однесен во Ургентниот центар во Скопје каде е констатирана смртта.
За настанот е известен истражен судија, јавен обвинител, а телото на починатиот е предадено на Институтот за судска медицина.