Скопје, 23 јуни 2011 (МИА) - Премиерот Никола Груевски денеска во Брисел ќе се сретне со еврокомесарот за проширување Штефан Филе.
Премиерот, придружуван од министерот за надворешни работи Антонио Милошоски и шефот на неговиот кабинет Мартин Протоѓер ќе присуствува и на Самитот на Европската народна партија, политичка групација која ги обединува партиите со десна и десно центристичка ориентација во Европа.
Европската народна партија претставува најмоќна политичка сила во Европа, и во неа, меѓу другите, членуваат партиите на германската канцеларка Ангела Меркел, францускиот претседател Никола Саркози, италијанскиот премиер Силвио Берлускони, унгарскиот премиер Виктор Орбан, како и партијата на актуелниот претседател на Европската Комисија Жозе Мануел Баросо.