Скопје, 4 јули 2011 (МИА) - Пред просториите на Здружението на новинари во Скопје во 5 минути до 12 часот новинарите и сите медиумски работници денеска ќе организираат протестен марш за солидарност.
Организаторите велат дека ова е марш за солидарност и поддршка во борбата, како што нагласија, да го вратат достоинството на професијата, која пред се треба да и служи на јавноста.
Непосреден повод за маршот, велат од Здружението на новинари и Синдикатот на новинарите и медиумските работници се отказите на две новинарки, бидејќи проговореле за нивните проблеми.
Македонскиот институт за медиуми (МИМ) преку соопштение до јавноста вчера го поддржа маршот.