Скопје, 4 август 2011 (МИА) - Нестабилно облачно време со пороен дожд, грмежи и засилен ветер ќе ја зафати попладнево западна Македонија, а во текот на ноќта и утре и други делови на земјата.
Како што соопшти Управата за хидрометеоролошки работи, локално процесите ќе бидат поинтензивни во форма на невреме со интензивен дожд, ветер и град. За кратко време се очекува да наврнат над 20 литри на метар квадратен.
Во случај на појава на електрични празнења УХМР препорачува да не се престојува на отворен простор и под осамени дрвја.