Скопје, 9 септември 2011 (МИА) - Заменик на претседателот на Владата за европски прашања Теута Арифи и министерката за внатрешни работи Гордана Јанкулоска денеска во Белград ќе учествуваат на дводневниот „Србија-ЕУ Форум“, на тема „Надминување на кризата и движечките напори кон Европската унија“.
Покрај претставници на повеќе земји и на институции од ЕУ, на форумот ќе учествува и претседателот на Европскиот совет Херман Ван Ромпуј.
Вицепремиерката Арифи на форумот ќе има обраќање на прелиминарниот панел, на кој ќе се обратат потпретседатели на влади и министри за надворешни работи на земјите од регионот.
Министерката за внатрешни работи Јанкулоска предвидено е да има обраќање на сесијата за теми од областа на организираниот криминал и миграцијата.