Скопје, 3 октомври 2011 (МИА) - Скопјанката Наташа Колева (34) денеска околу 11.40 минути по претходна расправија ја убила нејзината баба Бранка Радивоевиќ (90) во скопската населба стар Аеродром, на ул. „Руди Чајавец“.
Како што потврдија од МВР, Наташа Колева, која според првичните информации, најверојатно имала здравствени проблеми, со држач од чадор за сонце ја удрила бабата, по семејната кавга, во бараката во која живееле, и ја усмртила на лице место.
Полицијата врши увид на местото на настанот, а со наредба на истражен судија телото на Бранка Радивоевиќ е предадено на обдукција.