Скопје, 7 октомври 2011 (МИА) - Од утре подрачјето на Македонија ќе потпадне под влијание на влажна и студена маса од север која ќе предизвика значителна промена на времето со дожд и нагло опаѓање на температурата за повеќе од 10 степени. На места врнежите ќе бидат пообилни со ретка појава на грмежи и се очекува да наврнат над 30 литри на метар квадратен.
Во недела и понеделник ќе дува засилен, повремено силен северен ветер, а на повисоките планини над 2.000 метри ќе има услови за слаби врнежи од снег.