Скопје, 25 октомври 2011 (МИА) - Шефот на македонската дипломатија Никола Попоски на денешната средба со еврокомесарот за проширување Штефан Филе во Старзбур укажал дека пристапот на избегнување на придавката „македонски“ во Извештајот на ЕК се коси со европските вредности.
- Заштитата на идентитетски и јазични посебности се дел од тие вредности. Постоењето на македонски идентитет и јазик не може да се игнорира и тоа е европска реалност која не може да се промени со бришење во Извештај, истакнал Попоски.
Македонскиот министер за надворешни работи во изјава за МИА вели дека на средбата со Филе искажал очекување ЕК да биде прва во одбрана на овие вредности, што за жал не е случај.
Попоски потенцирал дека идентитеско негирање е непринципиелно и некомпатиблно со целите на европската интеграција.