Скопје, 6 декември 2011 (МИА) - Квалитетот на воздухот во Скопје кој во изминатите денови беше во категоријата „многу загаден“, изутринава премина во категорија „опасен за осетливи групи“. Измерениот индекс во центарот на градот денеска изнесува 141.
Мерењата покажуваат дека прашината ПМ10 е застапена со 236 микрограми на метар кубен, за разлика од вчерашното ниво од 429,48 микрограми на метар кубен.
Препораката на интернет сајтот „Скопје дише“ е да го намалат изложувањето и престојот надвор децата и возрасните, како и лицата со белодробни заболувања и асматичарите