Скопје, 2 јануари 2012 (МИА) - Владата на Република Македонија денеска ќе одржи седница на која ќе донесе одлука 3 јануари 2012 да биде прогласен за ден на жалост по повод смртта на првиот претседател на независна Република Македонија Киро Глигоров.
Владата и државните институции сметаат дека е потребно да се организира погреб со највисоки државни и воени почести доколку семејството на Глигоров се согласи, но ќе ја почитуваат нивната одлука, сочувствувајќи во тагата.
Глигоров почина во својот дом во Скопје на 94 години. Роден е на 3 мај 1917 година во Штип. Беше претседател на Република Македонија во два мандата од 1991 до 1999 година.
Погребот на Глигоров ќе биде извршен денесво 13 часот во Алејата на великаните на гробиштата во Бутел.