Во Кривичниот суд стартува судскиот процес против трите момчиња кои го усмртија средношколецот Мухамед Јашари од Кондово во дворот на средното градежно училиште Здравко Цветковски.
18 годишниот Петар М. е обвинет за нанесување тешка телесна повреда, додека 19 годишниот Стефан Г. и малолетникот Д.Т. се одговорни за загрозување со опасно орудие при тепачка.
Освен младинците кои упаднале во дворот и му пресудиле на врсникот Јашари, нема други одговорни за инцидентот, пред се тие кои направиле пропуст во обезбедувањето на училиштето.
Во судница денеска се очекува адвокатот на семејството Јашари да се изјасни околу кривичната квалификација на настанот, а доколку се појават обвинетите се очекува пред судот да ја соопштат нивната верзија за насилството.