Мелбурн, 28 февруари 2012 (МИА) – Претседателот на македонскиот Парламент Трајко Вељаноски денеска ја продолжува петдневната официјална посета на Австралија.
Според агендата, првиот човек на македонското Собрание ќе има средба со пратеникот Ендру Елсбери, иницијатор за формирање на групата за соработка на законодавните домови на Македонија и Викторија.
Македонската делегација, во чиј состав се и пратениците Илија Димовски, Милорад Додевски, Џевад Адеми и Цветанка Иванова, денеска во Мелбурн ќе ја посетат Националната галерија на Викторија, по што заминуваат за Канбера.