Скопје, 6 април 2012 (МИА) - Претседателот на Собранието Трајко Вељаноски денеска ќе ја прими делегацијата составена од членови на Американскиот конгрес кои ќе бидат придружувани од амбасадорот на САД, Пол Волерс.
Конгресмените во македонското Собрание ќе одржат работилница со координаторите на опозициските партии.
Делегацијата која веќе два дена престојува во Македонија ќе ја посети општината Гази Баба, каде ќе има работна средба со градоначалникот Тони Трајковски.
Во состав на делегацијата од Американскиот конгрес се Дејвид Драер, Дејвид Прајс, Џим МекДермот, Ерик Паусен и Гери Коноли. Тие вчера беа примени од претседателот Ѓорге Иванов и од премиерот Никола Груевски, а во Собранието на Република Македонија имаа средба со членовите на управувачкиот совет на Парламентарниот институт. Со македонските пратеници одржаа и работилница за надзорот како одговорност на Парламентот.