Скопје, 14 мај 2012 (МИА) - Под влијание на влажна и постудена воздушна маса денеска и утре претпладне времето во Македонија ќе биде облачно со пообилни врнежи од дожд и ретка појава на грмежи.
Од Управата на хидрометеролошки работи информираат дека во наредните 24 часа се очекува на повеќе места да наврнат над 30 литри на метар квадратен, а локално во западните и југоисточните делови можни се и до 50 литри на метар квадратен дожд.